281 Founding Anniversary ng Cocolunay Festival 2026, ipinagdiwang

IPINAGDIWANG ang 281 Anibersaryo ng Cocolunay Festival sa Bayan ng Mulanay Quezon na nagsimula noong ika-26 ng Enero hanggang Pebrero 06, 2026.
Ito ay pinangunahan ng butihing Punong Bayan na si Mayor Aris Aguirre kasama ang kanyang Pangalawa Punong Bayan na si Vice Mayor Jay Castilleja at mga Miyembro ng Sangguniang Bayan nito na sina Konsehal Gelo Amisola at iba pa.
Sa huling bahagi nito ay nagkaroon ng isang makasaysayang Paradang Bayan na linahukan 38 na grupo mula sa kabataan, mag-aaral, guro, nakakatanda, at mga iba’t – iba pang pribadong sektor.
Ito ay sinundan ng Street Dancing Competition mula sa iba’t ibang eskwelahan sa Elementarya at Sekondarya na naging makulay at masaya ang nasabing selebrasyon.
Sa huli ay nagpaunlak ang butihing Punong Bayan ng panayam sa miyembro ng mga mamamahayag, ayon sa Punong Bayan ay labis ang kanyang pasasalamat dahil sa pagdalo upang matunghayan ang masayang selebrasyon ng Cocolunay Festival 2026.
Binanggit niya ang iba’t ibang naging aktibidad nila sa loob na ilang araw na pagdiriwang, labis ang kagalakan ng Alkalde na naging matagumpay ang nasabing programa. (Kim Bornella/ Boy Morales Sr.)